Isa na naman ka mainUSWAGon nga adlaw ang pagbisita ni Inday Raisa Treñas sa aton mga pumuluyo sa Barangay Tanza Timawa 2, City Proper!
Nagpakig-istorya siya sa mga residente, nagpamati sa ila kabudlayan kag handum para sa barangay, kag nakabatyag sang mainit nga pagbaton sang mga Ilonggo. “Ang inyo mga istorya, kabudlayan, kag handum amo ang nagapabakod sang aton panghangkat nga magpadayon sa tampad kag matuod nga pagserbisyo,” pahayag ni Inday Raisa.
Nagapasalamat man siya sa Punong Barangay John Roberto, SK Chairman Kelvin Dela Peña, kag sa mga opisyales sang barangay sa ila wala untat nga dedikasyon.
Isa ka matahum nga sorpresa man ang natabo sa paghatag sang bulak kay Inday Raisa bilang simbolo sang paghigugma kag pagpasalamat sa iya!
Upod ang Team USWAG nga ginapangunahan ni Vice Mayor Jeffrey Ganzon, padayon ang pagserbisyo sa katawhayan kag sa mas nag-uswag nga Iloilo City!